နေ့ဆွမ်း လောင်းလှူစဉ် 
မုန့်ဟင်းခါး ဘုဉ်းပေးမယ် 
အဝ သုံးဆောင်တော်မူကြဖို့နေ့ဆွမ်း - ဝက်သား+အာလူးဆီပြန်၊ မုန်လာဥချဉ်၊ ငရုတ်သီးကြော်
မဝါဝါခိုင်မင်း၊ ကိုရန်အောင်၊ JulyDream၊ ရွာသားလေးဝိုင်တီယူတို့၏ နေ့ဆွမ်းအလှူရှင် မောင်နှမများအဖွဲ့
ဆွမ်းထမင်း+ပဲနှပ် - ကိုဖြိုး၊ ကိုထက် (ရွှေအိမ်ဖြူ တယ်လီဖုန်းရောင်းဝယ်ရေး)
ဆီ - ဒေါ်ချို (ဒေါ်ချို ကုန်မျိုးစုံ ရောင်းဝယ်ရေး၊ ရွှေဘိုမြို့)
အရုဏ်ဆွမ်း - မုန့်ဟင်းခါး (................)
ဝေယျာဝစ္စဒါန
-ဦးဓမ္မာနန္ဒ (မင်္ဂလာသာစည်ကျောင်း)၊ ဦးဇဝန (သုံးခွကျောင်းတိုက်)။ ဦးအာဒိစ္စ (ဖျာပုံကျောင်း)၊ ဦးသုဇာတ (ရုက္ခမူကျောင်းတိုက်)၊ ဦးပညာဝံသ (မန္တလေး မြင်းဝန်မင်းကြီးတိုက်)၊ ဖျာပုံကျောင်းမှ အခြားဦးဇင်းတစ်ပါး။
-ဒေါ်ဧသိက၊ ဒေါ်ဝိလာသီ (အောင်မြေသာစံချောင်)၊ ဒေါ်စန္ဒာသိင်္ဂီ (သိဒ္ဓိမော်ချောင်)၊ ဒေါ်စရဏမဉ္စရီ (သိပ္ပမဉ္စရီချောင်)
-မန္တလေးမှ ဒကာသုံးဦး၊ ဒေါ်အေးသန်းနှင့် သမီး မဇင်မာထွေး၊ ဒေါ်ကြည်ဌေး၊ ကိုဆန်းထွန်း၊ ငြိမ်းအိထွေး
မနေ့ နေ့လယ်က ကိုထက် စစ်ကိုင်းကို ရောက်လာပြီး ဝေယျာဝစ္စ သံဃာများအဆင်ပြေပြေ ကျိန်းစက်နိုင်ရန် ကော်ဇောနှင့်စောင် ၃ ထည် လှူဒါန်းသွားပါတယ်။ မီးချောင်းတစ်ချောင်းပါ ဝယ်လာပြီး ဆွမ်းချက်တဲ့ နေရာမှာ ကိုယ်တိုင် တပ်ပေးသွားတယ်။ ဆွမ်းလောင်းဝေယျာဝစ္စ ဆောင်ရွက်ဖို့ မန္တလေးက ဒကာသုံးဦးလဲ ပို့ပေးသွားပါတယ်။
မနက် ၅ နာရီ ၃၀ မှာ အရုဏ်ဆွမ်း စကပ်ပါတယ်။ ကပ်ကပ်ချင်း သံဃာ အပါး ၈၀ ခန့် ဘုဉ်းပေးနေကြပြီး စောင့်ဆိုင်းနေဆဲ ကိုယ်တော်တွေလဲ စောင့်နေကြတယ်။ မနက် ၆ နာရီမှာ အပါး ၁၈၀ ခန့် ဘုဉ်းပေးပြီးပြီ။
''ကိုရင် ဟင်းရည်လား''
''ဒီမှာ ဟင်းရည် ချပေးပါ။ ဆရာလေး ဒီမှာ''
''ဘာလိုလဲ ကိုရင်။ မုန့်ဖတ်လား''
''ဟိုနားက ကိုရင်လေးက မုန့်ဖတ်တဲ့။ ဦးဇင်း .. ဟိုမှာ''
နေ့ဆွမ်းလဲ လောင်းရတော့မယ်။ သံဃာတစ်ပါးစီကို ဝက်သားနဲ့ အာလူးဟင်းတစ်ခွက်၊ ငရုတ်သီးကြော် တစ်ခွက်၊ မုန်လာချဉ်တစ်ခွက်၊ ပဲနှပ်တစ်ခွက်ကို ဆွမ်းထမင်းနဲ့အတူ လောင်းလှူပါမယ်။
0 comments:
Post a Comment