အရုဏ်ဆွမ်း - ကြက်သားယာဂု
အလှူရှင် ..............
နေ့ဆွမ်း
ပဲနှပ်၊ အကြော်စုံ၊ ငှက်ပျောသီး၊ ဆွမ်းထမင်း
အလှူရှင် .............
ဝေယျာဝစ္စဒါန
-ဦးစန္ဒိမာ (သုံးခွကျောင်းတိုက်)၊ ဦးဣန္ဒာစာရ (ဖျာပုံကျောင်းတိုက်)၊ ဦးအာဒိစ္စ (ဖျာပုံကျောင်းတိုက်)
-ဆရာကြီး ဒေါ်ဝိလာသီကျောင်းမှ သီလရှင် ၃ ပါး၊ သိပ္ပမဉ္စရီချောင်မှ ၃ ပါး
-မပွေးနှင့် ငြိမ်းအိထွေး ညီအစ်မ
ကြားရက်မှာ အလှူရှင် ဆန္ဒအရ အလျင်စလို စီမံပေးရတဲ့ ဆွမ်းလောင်းဆိုတော့ ဝေယျာဝစ္စတွေ ခေါ်နေတော့ဘဲ တခြားကျောင်းတွေက ဦးဇင်းတွေကပဲ အဆင်ပြေအောင် လာဆောင်ရွက်ပေးရတယ်။ ဦးအာဒိစ္စနဲ့ ဦးဣန္ဒာစာရက ကျောင်းမှာ ညလာအိပ်ပြီး ဦးဇင်း ဦးကောဝိဒနဲ့အတူ ဆွမ်းပေါင်းပေးကြတယ်။ သုံးခွကျောင်းက ဦးစန္ဒိမာက ဆွမ်းကပ်ဝိုင်းဆောင်ရွက်ဖို့ နံနက်စောစော ကြွလာတယ်။ ဆွမ်း ပြည် ၂၀ ဆိုတော့ ၁၀ ပြည်ဝင်အိုးနဲ့ ၂ ခါ ပေါင်းရတယ်။ အရုဏ်ဆွမ်း ကပ်ဖို့ ကြက်သားယာဂု စီမံတယ်။ နေ့ဆွမ်းအတွက် ပဲနှပ်တယ်။ ကျန်တဲ့ ဆွမ်းဟင်းကိုတော့ ဦးဇင်းတွေလဲ ဘယ်ချက်တတ်မလဲ။ ဒီတော့ အကြော်စုံနဲ့ ငှက်ပျောသီး မှာပြီး ဆွမ်းထမင်းနဲ့ ပဲနှပ်နဲ့အတူ လောင်းလှူရပါတယ်။
ကြက်သားယာဂု (ကြက်သားဆန်ပြုတ်)ကို အပါး ၂၀၀ ကျော် ဘုဉ်းပေးကြတယ်။ ကြားရက်ဆိုတော့ ဒီနေ့ ဆွမ်းလောင်းရှိမှန်း တစ်ချို့သံဃာတွေ မသိလိုက်ဘူး။ ဒီကြားထဲက ကျောင်းအလိုက်ရော၊ တစ်ပါးချင်းရော ဆွမ်းလာရပ်တဲ့ သံဃာတွေ များများလာတာ မနက် ၇ နာရီလောက်မှာ အကြော်စုံ အခု ၅၀၀ မှာထားတာ ကုန်သွားတယ်။ တစ်ပါးကို အကြော်တစ်ခု၊ ငှက်ပျောသီးတစ်လုံး၊ ပဲနှပ် (ပဲနှပ်က နှစ်ပြည်ဆိုတော့ ရှေ့အပါး ၁၀၀ လောက်ပဲ ကပ်လိုက်ရပါတယ်)နဲ့ ဆွမ်းထမင်း ကပ်တာပါ။ ဘယာကြော်၊ ပဲကြော်၊ ကုလားဘယာကြော်၊ ပဲစက္ခုကြော်တွေ ကပ်ပါတယ်။
ဆွမ်းထမင်းက ပြည် ၂၀ ပေါင်းပေမယ့် နောက်ဆုံး ကြွလာတဲ့ သံဃာတစ်ချို့ကိုတော့ ဆွမ်းထမင်းပါ ပြတ်သွားလို့ ငှက်ပျောသီးပဲ လောင်းရတယ်။ အကြော် အခု ၅၀၀ ကတော့ သံဃာ အပါး ၅၀၀ လောင်းပြီးတော့ ကုန်သွားပြီ။ ငှက်ပျောသီးက အလုံး ၆၀၀ မှာထားတော့ လောက်ငတယ်။ ကျန်ငှက်ပျောသီးများကို ဝေယျာဝစ္စ လာဆောင်ရွက်ပေးကြတဲ့ သီလရှင် ဆရာကြီးဆရာလေးများကို လောင်းလှူပါတယ်။
0 comments:
Post a Comment